Ua taofia mo se taimi le tumau taavale mautotogi poo rental cars.
O le faaiuga lea a nisi o kamupani ona o le pisi tele ma le tele o le manaoga ua iai.
O le vaiaso nei ua taofia ai mo se taimi le tumau e fale taavale a le Hertz, Avis ma le Budget i Aukilani bookings e faatō’ai atu ona ua le mafai e le sapalai ona faafetaia’ia le manao.
O le tele o taavale nei na toe faatau ese atu i le taimi na umi ai ona tutu ona o le faamai, ma o lea sa 60,000 i le taimi e lei oo mai ai le Koviti peitai o lea e tusa ma le 40,000 o loo totoe.
O le taofia o taavale rent i le taimi nei ua toe lagona ai foi ma le tala o le paso o fale faigaluega o loo feagai ma le maketi o turisi e saili nisi tagata faigaluega.
