Maeu le tali mai o tagata Aukilani e fia fesoasoani i aiga na aafia ona o lologa.
E faitau selau tagata na faatasitasi i le Starling Park i le taeao ananafi e ofo atu o latou taimi e faamamā ai auala, fale o aiga, faia asiasiga ma tapena fale o aiga o loo moomia le fesoasoani ma o loo mafai foi ona toe nofoia.
O i latou nei o loo faasoa e le Student Volunteer Army, ma i lipoti a le 1News o le tele o galuega ananafi o le toe fela’ua’i o meaafale a le tele o aiga.
O loo faaauau nei galuega fesoasoani i le vaiaso nei, ma o loo tatala mai lava foi le avanoa i tagata e fia fesoasoani e le gata i le ofo mai o taimi ae faapea le fesoasoani tau tupe.
