E latalata i le 40% le faaopoopoga o aoga amata i totonu o Niu Sila e lei ausia le maualuga e faalaiseneina ai e le ofisa ua lelei atoatoa mo le aoaoina o fanauiti.

E 282 early childhood education services poo ECEs sa iai i le lisi ua ta’ua o provisional license i le tausaga talu ai, pe a faatusa i le 202 i le tausaga e 2022.

O laisene nei ua pa’ū mai iai aoga amata nei e lē ausia le tulaga e tatau ona iai pulega, faiaoga, o aoaoga faapea le saogalemu o le fanau i le aotelega.

O le tuu ai e le matagaluega o aoga i lea tulaga maualalo, po ua downgrade, e lē o  se faaiuga e māmā ona fai, ma e lē tasi foi se itu e lape ai le auaunaga e mafua ai ona faia.

E ese mai la i aoga amata na pa’ū tulaga, e 36 isi aoga na tapuni e le matagaluega i le tausaga lava talu ai, ona ua matuai faaletonu lava.

E lē o se tala lelei lea mo mātua o loo tuu atoa lo latou faatuatuaga a mea o loo saogalemu fanauiti a o iai i aoga.

O loo maua uma igoa o aoga amata e lei faamalieina le tulaga maualuga e tatau ona iai i le tausaga talu ai i luga o le upega tafailagi a le Office of Early Childhood Education.