Tuilaepa Faime - Radio Samoa

Teena e Fiame ni lafoga faia faasaga ia te ia

Na faaali le lē fiafia tele o le taitai a le vaega faaupufai a le Faatuatua I le Atua Samoa ua Tasi, le afioga ia Fiame Naomi Mataafa ini lafoga na faia e le Taitai faaauau lē Tumau a le atunuu le afioga Tuilaepa Lupesoliai Sailele Malielegaoi.

O nei tuuaiga e faapea na molimauina e nisi o tagata se feiloaiga a Fiame ma nisi o Faamasino Sinia a le Faamasinoga.

I le feiloaiga a Tuilaepa ma se sui o le 2AP I le vaiaso na tea nei na ia taua ai e taumafai lava e aveese nei faamatalaga ma lona mafaufau ma na te talitonu lava I le tutoatasi o le Faamasinoga. E ave lona faatuatuaga o le a faia ma le amiotonu le galuega a faamasino. Na ia taua foi  “a iloa lava e le faamasino se mea sese ua ia faia e okomeki a le faamavae aemaise o le atunuu lenei e leai lava se mea e lilo.”

Mulimuli ane I le Aso To’onai o le vaiaso lava lea na valaau ai foi se feiloaiga a Fiame ma le vasega o Tusitala lea na fesiligia ai sona finagalo i manatu na faaali e Tuilaepa. Taua e Fiame e lē sa’o nei faamatalaga ma afai ae talanoa ma faamasino e auala atu i Loia ini mau o loo manaomia le faailoa atu i faamasino.

Taua e foi Tuilaepa I le talanoaga ma le 2AP sa lē tatau lava ona faitio le taitai o le FAST  I le tatala ai i tua o le Faamasino Sili le afioga ia Satiu Simativa Perese mai le nofo puipuia ai mai auga o le faamai o le Koviti.

Manatu Tuilaepa o le faitio ai o Fiame ua aliali mai ai le lē manao o le taitai a le FAST e faalavelave le Faamasino Sili i latou fuafuaga ma faamasino o loo faia le mataupu. Taua ai e Tuilaepa “e foliga mai e nao le Famasino Sili e ova le amiotonu ae e auai uma faamasino ia I le vaega faaupufai a le FAST.”

Peitai na tali Fiame e faapea, e le’i faitio i le Faamasino Sili. O lona manatu na ia fesiligia ai pe aisea ua fai faapitoa ai le vave tatala o le Faamasino Sili ae e lē pei o le faiga masani o tagata e malaga atu i Samoa e ala i le 2 vaiaso e tatau ona nofo puipuia ai, auā lava puipuiga mai le Koviti 19. Taua foi e Fiame, na tatala i tua le Faamasino Sili i le Aso Faraile (23 o Aperila) ae faatoa faalauiloa le faiga faavae fou a le Matagaluega a le Soifua Maloloina i le Aso Toonai na sosoo ai.

Na tulituliloa e Fiame le mataupu i lafoga na faia e Tuilaepa , ma ia fesiligia ai nisi o Loia poo le ā le sa’o o le tulaga faaletulafono o lafoga ua faia e Tuilaepa e ta’umaualaloina ai  faamasino ma le faamasinoga, tali le tele o loia o le isi lea  tiute a le Loia Sili a le malo o le puipuia o le mamalu  Alii ma Tamaitai o le faamasinoga peitia e le’o iai lava se leo o alia’e mai  ma ia taua ai o le mea lea e taua i le gagana peretania o le contempt of court. O lea o loo faagasolo le mataupu I luma o le faamasinoga ae iai lafoga faapea a se taitai . Na ia taua o le mea moni lava e tatau ona sailia poo le a le faiga e fai ai.

O le asō lea o le a tuuina atu uma e loia i luma o le faamasinoga maualuga faamaumauga  faatatau I le mataupu autū I le Nofoa faaopoopo o Tamaitai i le Palemene auā lona faaauauina i le Aso lulu.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required