Samoa Parliament
Photo: Anetone Sagaga

Tautino molimau e lē malamalama i la tautinoga faatautō.

E toalua ni tagata na tulai e molimau i tuuaiga faasaga i le Sui Faipule a le Faatuatua i le Atua Samoa ua Tasi Agaseta Valelio Tanuvasa Peto e lē malamalama i vaega o le lā tautinoga faatautō (affidavit) lea na tusia i le gagana faaperetania.

I ripoti a le Samoa Global na taua ai O le sui a le HRPP Ili Setefano Tafili lea na tulaga lua mai la finauga a Agaseata lea ua ia tuuina atu moliaga e faia faasaga i lē na manumalo

 “E 8 moliaga o le totogi atu o tupe, 1 moliaga o le faatosina ma le moliaga i le faaogaina o le malosiaga e aiaina ai se faaiuga. I lea mataupu e to’a 9 molimau a le Ili Setefano ma o le molimau na muamua tulai o Penuafa Sila Siloi 62 tausaga o Leulumoega Tai ma le molimau lona lua o Ili mai Nofoalii.

Taua e i laua nei o se polokalame a le FAST na faia i le Aso 2 o Fepuari i Nofoalii ua taua o le Road Show  lea na auai, o le molimau a Penuefa e taunuu atu ua amata le polokalame ma na te lē mautinoa poo ai le Sui faipule o le FAST na tuuina atu le $1000 i matai o Leulumoega ma mai lea tino i tupe e $50 tala na ia maua.

Ina ua fesiligia e le Loia faufautua a Agaseata le afioga ia Alex Su’a le alii molimau pe malamalama i vaega o lana tautinoaga faatauto o loo tusia i le gagana faaperetania ae tali Penuafa e “leai”

Na fesiligia foi pe na te manatua le tagata na tusia lana tautinoga faatautō tali Penuafa “na te lē manatua”.

I le molimau lona lua o se matai mai Nofoalii suafa ia Ili na ia taua na auai foi i lea Road Show i le Itumalo Aana Alofi No.3. Na ia taua i luma o le faamasinoga e $20 le tino i tupe na ia maua mai i le $1000 na tuu atu e sui o le FAST i matai o Nofoalii ma na ia tuua le polokalame ina ua maua lana tupe.

Ina ua fesiligia foi e le Loia Faufautua le molimau pe malamalama i nisi o vaega o lana tautinoga faatautō tusia i le gagana faaperetania na ia taua “ e leai” ma na te lē manatu foi poo ai na tusia lana tautinoga.

E pei ona silafia o loo faia foi le tagi a le susuga Agaseata faasaga ia Ili Setefano Tafili.

O loo faaauau pea lenei mataupu i le vaiaso nei i luma o faamaisnoga ia Vui Clarence Nelson ma tamaitai faamasino ia Tafaoimalo Leilani Tuala Warren.

Scroll to Top

Keep uptodate with Radio Samoa activity & promotion

* indicates required