Ua tautino se tasi tagata na faaautu iai se polokalame i le televise, i moliaga e tolu o le taufaasese ma ia ave ai se vaegatupe mai lona pule.
O lana loia na faailoaina le tulaga lea i le faamasinoga ua faailoa ai ile lipoti a le stuff i le aso sa faia ni suiga i se pepa faamaumauga ma le faamoemoe e taufaasese ai.
Ua poloaina e le faamasinoga le taofia o le faailoaina o le suafa ma ua taatia atu i le aso 31 o Me e lauina ai le iuga.
O le poloaiaga ale faamasinoga o le a le mafai ai foi ona faailoa nisi faamatalaga auiliili e faatatau i le polokalame o loo aofia ai ae o loo faailoa i faamaumauga sa faaaoga tupe e pei ona taua e totogi ai faigamalaga, faatauga lavalava, puega ata ma isi tulaga tau faafiafiaga.
Sa ia tautino e faavalu ona ia faatino le gaoia o tupe e ala i le faaaogaina o le credit card sa i lalo o le igoa o le pule ma na tupu lea tulaga i le va o tesema 2019 ma oketopa 2020.
Ua faatali nei i le aso mulimuli o le masina o Me mo lona faaiuga.
