Ua taunuu le vaalele lona lua a le ami a Niu Sila, ma o le ogatotonu o le tausaga o loo faamoemoe e tatau ona amata faaaoga uma ai.
O le aso ananafi na oo atu ai le minisita o puipuiga Andrew Little i Manawatu i le nofoaga o loo faamautu ai le vaa a le ami e molimauina le to’ai taunuu mai Amerika o le vaa lona lua.
O vaalele nei e fā na faatau e le malo i le 2019 i le tau e $2.3 piliona e suitulaga ai i isi vaalele a le ami tuai e ono.
O vaalele nei o le a faaaoga i taimi o faalavelave faafuasei, galuega fesoasoani faapea puipuiga.
O le isi lua o loo faatali e taunuu mai e lei ‘afa le tausaga, ma amata felelei ai loa mai le aso muamua o Iulai.
O vaalele fou ua aumai e faapea e saosaoa atu na i lo vaa tuai toe faamoemoeina.
