E oo mai i le taimi e tuufaatasia ai tala o le taeao o loo tumau pea i le 14 tagata faamaonia ua maliliu ona o le mafui’e, peitai mai le malo o Vanuatu e lē o mautinoa ma e ono faaopoopo.
O tagata maliliu nei ua faamaonia mai e le amepasa o Saina, e to’alua tagatānuu Saina ua maliliu ai.
O lea o loo faaauau pea galuega lavea’i ma sa’ili pea nisi tagata o loo tanumia i lalo o fale ua solo.
O le popolega tele o loo iai nei o le lē saogalemu o le suāvai, ma o le aso ananafi lea na tele ina toe faaola ai le eletise mo le tele o vaega o Vanuatu, peitai e iai lava nisi e le’i oo iai.
Fai mai ai le Koluse Mūmū i Vanuatu, o loo ave le faamuamua i le suāvai maua.
Ua faamaonia mai ai foi o lea o loo motusia fesoota’iga tau initaneti ona ua faaleagaina le cable autū i lalo o le sami lea na alu atu ai.
O tagata e to’alua e galulue i le ofisa o le Haikomesina a Niu Sila i Vanuatu lea na su’e, o lea ua maua.
O lea ua faaoo atu fesoasoani a Farani, Niu Sila faapea Ausetalia, ma e ese mai le vaalele e le’i taunuu anapo ona o le afi o lea lava na amata su’esu’ega a le militeli a Niu Sila faia mai le vanimonimo e faaaogā ai se tasi o ana vaa ananafi, ma o lea na moe i Fiti anapo faamoemoe e toe usu i le taeao nei.
Puna o Faamatalaga: https://www.rnz.co.nz/news/national/536994/live-death-toll-rises-hundreds-hurt-in-vanuatu-7-point-3-earthquake
