E taugata atu le tau o oloa i supamaketi a Niu Sila faatusa i atunuu e iai Ausetalia, Peretania ma Aialani.

O le faai’uga lea na sau ma se tasi o su’esu’ega fou lea na faatusatusa ai e tagata su’esu’e Ausetalia le tau o le tele o oloa o loo tele ina faatau e tagata mai supamaketi.

I le va o atunuu ua ta’ua, o Niu Sila e taugata ai lava ae o Peretania lea e aupito i taugofie.

O oloa na faatusatusa e tagata su’esu’e e aofia ai le tau o le sisi, sukalati, aano o manufasi, falaoa, kofe faapea ai ma mea e i falelēta’ua.

I le aotelega o Peretania le tau aupito i taugofie lea e i le va o le $314 i le $329, sosoo atu ai Aialani e $347 i le $368, Ausetalia i le va o le $359 i le $368 ma Niu Sila e $379 i le $454.

O oloa filifilia o lea na aoao mai tau i le va o Aperila ma Me o le tausaga nei.

Puna o Faamatalaga: New Zealand groceries more expensive than Australia, UK and Ireland – research | RNZ News