Ua augani mai le kamupani Lotto a NZ, e mataala i le au taufaavalea lea ua faaaogaina mai feau tusitusia I telefoni poo texts faafoliga e mai le kamupani lotto
Mai le sui o le kamupani, Marie Winfield, o loo faatupulaia pea le toatele o I latou o paaga a le Lotto ua aafia ai I nei faiga-taufaavalea
O le Lotto e na te faaaogaina feau tusitusia ta lafo I telefoni mo ana paaga ua lesitala I le text to play lea e lafo mai I le numera 3361
Ae mai le pule sili o le Netsafe, Martin Cocker I tala a le nz herald, o le Lotto o se tasi lea o kamupani ua faaaogaina nei mai le tele o isi kamupani na lalafi mai ai I tua le au taufaavalea I tausaga ua mavae
Taua ai e Martin, faitau afe tagata NZ na agai iai nei text e faapea o loo iai se faamomoli e tatau ona totogi le tiute faatoa mafai ai ona kiliva O nisi o nei feau tusitusia o loo faapipii mai ai le link, ma ua fautuaina malosi tagata NZ aemaise lava I le taimi lenei o le tele o faatauga online e mataalia, aua le talitonuina nei texts pe kiliki foi le link
