E iai fale i Hawke’s Bay ua sese ona faailoga ona o lea na tauanau e le malo le Council a Hawke’s Bay e faailoa faafanua o loo faailoga ai sone, e ui e lei lava tapena.
O lea ua toe tautino le Hawke’s Bay Regional Council o lea na fosi atu e le malo le vave faailoa o sone nei ua mae’a faailoga i luga o le faafanua e faailoga ai fale na faaleagaina e le afā o Gabrielle.
Toeitiiti tolu selau fale na sau ai i le faafanua lenei, peitai ua aofia mai ai ma fale o loo mafai lava ona nofoia ae o lea ua sau ua le mafai.
Ua na o le nenefu ai o le toatele ma ua tu’i fesili ai le Council i le eseesega o sone o loo sau i faafanua ma le tulaga o loo iai i le taimi nei ma o le toatele ua faaalia i tala a le Newshub le faanoanoa tele.
I se tali mai a le Council o lea na tauanau atu e le malo le vave faaalu i tua o faafanua e ui e lei mae’a lelei suesuega o loo faia.
