O le galuega ua fuafua nei e fausia ai se faatanoavai tele i Alaoa e faatupe e le faletupe o atinae o Asia, ua faailoa e le Minisita o Tupe le afioga Lautimuia Uelese Vaai, o se atinae e telē sona tāua mo le lumanai manuia o le atunuu i le vaitaumafa ma le gaosia o le eletise.

O le tau amata mai o le galuega lenei sa iai lagona tetee ona o atugaluga i le lamatia ai o le saogalemu o tagata o le itumalo o le Vaimauga o loo alala e tu lata i le nofoaga o le a fausia ai le faatanoa, peitai ua faaalia e le Minisita o Tupe sa fono ma sui o le Faletupe o Atinae o Asia talu ai nei, o le lē lelei ona faamalamalama le faataotoga o le atinae mo le silafia e tagata o le mafuaaga, ae o le taimi nei ua manino ma malamalama vaega uma o le galuega. 

Le afioga i le Minisita o Tupe o le tasi o sui faipule o le Vaimauga le afioga Lautimuia Uelese Vaai, i se faatalanoaga i le polokalame o le Soalepule.