Na faatinoina le sailiga o se tasi o le auvaa o se vaafagota i le Hawkes Bay na lipotia na pa’ū ese mai le vaa poo le ta o le 8 i le po anapo ma logoina ai loa se fesoasoani.
Na ta’ua mai e leoleo o le vaa lea sa iai pe ā ma le 11km mai le pa’umātū i Waimarama ma sa agai atu loa iai le vaega o leoleo ma le Maritime NZ, na fesoasoani ane iai ma nisi o vaa fagota sa iai i lea faaitu peitai e lei manuia sailiga.
O le faamatalaga mai le lipoti a le RNZ ua ta’ua ai sa faatino galuega masani i luga o le vaa fagota ae iloa ai e iai le tagata o le auvaa o loo misi ma e leiloa pe na faapefea ona pa’ū ese mai le vaa ae pe sa fai foi se ofu faaola.
O loo ta’ua e lei iai ni tulaga faigata pe sou le sami i lea taimi ma sa taumafai foi e faatino tulaga faatulagaina i faalavelave faapea ia tau faamautu tonu ai poo gafea tonu na pa’ū agai iai sia tagata.
O loo faatalia se isi lipoti lata mai o lenei faalavelave.
