Maualaivao Patelesio
Maualaivao Patelesio Ah Him i fafo mai or le potu Faamasino

Tau Afaina le Lotoifale o Malie i Fa’amasinoga Faiga Palota

Tusia: Maina Papalii

O le auina mai o le tagi a Maualaivao Patelesio Ah Him i le fa’amasinoga fa’asaga i le tofi o le itumalo ia Seiuli Ueligitone Seiuli, ua tau omia ai le nofo lelei i le va o nisi o tagata i totonu o le afioaga o Malie.

I le fonotaga masina a le afioaga, na laga ai le mataupu tau i le Fa’amasinoga ma e le’i faigofie lea mataupu ona fa’apea sa iai nisi na manatu ua tatau ona fa’atea Maualaivao ona o le lē usitaia o le finagalo a le nuu, e aveese lana tagi.

Peitai, na taua e le taitaifono ia Si’a Afi Pese Faamausili, na toe sologa lelei lava feutagaiga ma faia ai loa le fa’aiuga, o le a fa’aseetuagalu Maualaivao mo se vaitaimi, sei tau fai ifo i lalo le loto tiga o nisi.

O lea ua ai la le aveai ia Maualaivao ina ia taofi le toe o’o atu i mea fai a le nuu mo se vaitaimi, seia tau fofo lea faafitauli.
E lei auai Maualaivao i le fono ae taua o lea ua maea ona tuuina mai iai le faaiuga a le nuu.

Na taua e Si’a, sa talosagaina lava Maualaivao ina ia fa’ataatia ese le tagi, peitai, na fa’atino lava le tulaga o lona aia tatau lea na mafua ai lava ona fa’aauauina le fa’amasinoga i tu’uaiga o le faia oni auala faatosina i tagata palota.

O lea ua maea le faamasinoga ma o lo’o fa’atalia nei le fa’aiuga o lea palota. A faia e aumai le fa’aiuga e fa’amaonia uma tu’uaiga fa’asaga ia Maualaivao ma Seiuli, o lona uiga, e le mafai ona toe tauva i so’o se faiga palota i le isi 15 tausaga.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required