E auai le Palemia o Niu Sila Chris Hipkins i le faatutoatasi o Niu Sila mai pulega a le aigatupu, peitai e le o se mataupu o ave iai le faamuamua.
O saunoaga nei a Hipkins ananafi a o lei tuuvaa ese atu ai anapo mo Peretania auā le sauniga aloaia e faapale ai King Charles III i le faaiuga o le vaiaso nei.
Fai mai le Palemia e le o iai sona faamoemoega e laga mai i luga i le palota o loo loma nei poo le isi foi paeaiga o i luma ma e tele isi itu taua e tatau ona vaavaai iai.
O le malaga ese atu ai o le Palemia e le gata o le feiloai ai ma sui o le aigatupu, feiloai ma le Palemia o Peretania e toe talanoa fefaatauaiga saoloto i le va o Niu Sila ma Peretania, atoa ai ma le avanoa e asia ai e Hipkins sui o le ami a Niu Sila lea o loo koleniina fitafita Ukraine i Peretania.
