O loo tatalo le Palemia Chris Hipkins ia le taunuu le solo tetee tele a faiaoga ua ta’u e faia i le Aso Tofi nei.
E tusa ma le 50,000 faiaoga e aofia ai ma faiaoaga o aoga tulagalua ua fuafua o le a savavali ese ma galuega i le Aso Tofi nei ona e lei faamalieina i le ofo lona lua na aumai e le malo e faatatau i o latou totogi ma maliega o auaunaga faafaiaoga.
Na saunoa le Palemia o lea o loo galulue nei e saili se fofo ma o le aso foi a taeao lea ua faatulaga ai le fonotaga a le iuni ma le malo, a o loma ai le Aso Tofi.
Afai ae faataunuuina lava le solo tetee i le Aso Tofi nei, o le uluai taimi lea ua omai ai ma faiaoga o aoga amata e tutu faatasi ma faiaoga o aoga tulagalua faapea faiaoga o aoga maualuluga e finauina lenei mataupu.
O le manaoga o le Palemia ia vave maua se maliega e malilie uma iai itu e lua e foia ai le aafia o aoga ona o le tetee ua tālo nei.
