Tatala lesitala mo vouchers a Aukilani

Ua tatala le avanoa mo tagata Aukilani e lesitala mo le 100,000 vouchers

O se tasi lenei o vaega o le package toe faaolaola na faailoa mai e le malo I le amataga o le masina e mafai ai ona faatalosaga tagata Aukilani I voucher $100 mo le aiga poo le voucher $50 mo tagata taitoatasi

O lea na tatala faatasi nei vouchers ma tuaoi o Aukilani ananafi, ma o le a mafai ona faaaoga e totogi ai tafaoga I nofoaga ua maea ioeina e asiasi iai

O lona faasoaina o le a faamatuu mai ai le 25,000 I le aso 15 o Ianuari, le isi 25,000 I le aso muamua o Fepuari ma le aso 15 o le masina lava lea, ma faauma ai I le aso muamua o Mati

O tagata uma foi o le a lesitala o le a faailoa mai e ala I le imeli ma e tatau ona faaaoga I totonu o le 14 aso I luga o le Bookme.co.nz

E na o le faatasi ona lesitala le tagata Aukilani 18 tausaga agai I luga le matua, ma afai ae e le maua se avanoa I le sei mo le aso muamua e pei ona fofogaina, o le a okomeki ona toe faaauau mo le isi sei e sosoo mai

E faatoa faailoa mai deals mo nei tafaoga ma asiasiga I le amataga o le masina fou, ma e faagata lesitala I le aso 25 o Fepuari 2022

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required