O le asō lea e tatala ai le potu komepiuta fou a le Kolisi o Sagata Maria i Vaimoso.
O se fesoasoani tau tupe na tuuina atu lea e le Ofisa o le Amepasa o Siamani i Ueligitone e tusa ma le $30,000 le sa faatino ai loa e le kolisi le faatauina o komepiuta e 15 mo le potu komepiuta o le ea malulu aemaise o oloa e faatotogaina ai le potu.
Ua faailoa o lea foai o loo tauala mai le fesoasoani a le malo o Siamani i le vaega o aoga i le atunuu.
Na faailoa e le tamaitai uluaoga ia Lepetia Sina Fitu o le a fesoasoani tele lenei foai i le aoaoina o le mataupu o le komepiuta i le kolisi.
Na faaalia o le mataupu lenei e faamalosia lona tauaveina i le kolisi ma o se tasi itu e faafiafiaina ai ua faaopoopo masini nei mo aoaoga a fanau e aoaoina ai le e-learning lea na ta’ua o se auala e saoasaoa atu le pue a fanau i ituaiga aoaoga faapea.
