O le taeao nei o loo tatala ai le motorway i Matu o Aukilani mai Puhoi agai i Warkworth mo feoa’iga.

O le Palemia Chris Hipkins lea na ia tatalaina aloaia i le Aso Faraile i le mae’a ai o le 18 masina na faatuai ai.

O le motorway lenei o le faaopoopoga fou i le State Highway 1, ma e tusa ma le 35,000 taavale e faaaogaina i totonu o aso taitasi, e aofiia ai le 1,300 loli.

E 18.5 kilomita le umi o le motorway ma na fausia i faigafaapaaga a le Waka Kotahi ma le Northern Express Group.