Ua tatala le fale failele fou a le Kurawaka: Waipapa i Kalaiesetete.

O Iuni o le tausaga talu ai na tapunia ai le fale failele ma e na o le pau foi lea o le nofoaga ua ta’ua o le unit i le falemai a St George ina ua mae’a lana konekarate ma le Health Canterbury.

O le tatala ai o le Kurawaka: Waipapa lea e lē mamao mai le falemai tele i Kalaiesetete ua faamāmā avega ai i tina ma aiga mai le tau o agai i Rangiora, Rolleston poo Ashburton.

Ua silia ma le 10 tausaga o fuafua ma faia lenei galuega ma o se fiafiaga tele i tagata Kalaiesetete.

O le minisita o le soifua maloloina Shane Reti lea na tatalaina aloaia i le taeao ananafi ma na ia ta’ua o se fesoasoani tele mo tagata o loo nonofo i le ogatotonu o le aai.

O le Aso Lua, 16 o Aperila e amata tautua ai le fale failele fou, ma e 4 potu mo le taimi e faafanau ai le tina ma’itaga, 20 potu mo asiasiga i totonu o le 6 i le 8 vaiaso e uma ai ona fanau le pepe fou, 6 isi potu mo asiasiga, potu mo aoaoga, potu mo aiga faapea ai ma le nofoaga e taunuu atu iai taavale a le falemai.

Puna o Faamatalaga: New primary birthing unit Kurawaka: Waipapa opens in Christchurch (1news.co.nz)