O le aso ananafi na tatala ai le auala laupapa fau i totonu o laau tetele kauri i North Shore i Aukilani, ma o se fiafiaga ia i latou na muai molimauina.

E 60 mita le umi o le auala laupapa lenei ma e silia ma le 5,000 tagata na auai atu ai ananafi.

O le sii ai i luga o le auala laupapa o se taumafaiga ia faasao mai ai laau ua amata ona mamate ona o le faama’i e aafia ai a’a ma aafia ai le faasao.

O lenei galuega e tusa ma le 6 tausaga ma le ‘afa o taumafai mai, ma e $2 miliona lona tau aofai.

O le molimau a le toatele na savavali ai ananafi i tala a le 1News, o se vaaiga matagofie le savavali i le maualuga ua tutusa ma le uumi o laau ma vaavaai mai i lalo aemaise o le mautinoa o loo lelei ona apelepele laau o le faasao.

Puna o Faamatalaga: Brand new tree-top walk opens on Auckland’s North Shore (1news.co.nz)