O loo faaauau ona aooga mai le fale fanau a le aoga maualuga i Albany i Aukilani lea na maua mai ai le case ua faamaonia i le misela.
I le faaiuga o le vaiaso o lea na faia faapitoa lava e le soifua maloloina le nofoaga e agai iai mo siaki, i latou e vavalalata sootaga ma le case ua faamaonia, poo i latou nei e aooga faapea faiaoga i le Albany High School.
Talu lava ona faamaonia mai e le soifua maloloina le case i le po o le Aso Lulu ma faatonuina le aoga e tapunia, o lea lava e faaauau mai ai i le asō ma o le asō foi e iloa ai le tonu o aoga mo taeao.
E leai se isi tagata ua faamaonia ua maua e ese mai le tamaititi aoga faapea le isi tagata o lona aiga ua maua i le misela.
A o faasolo ai pea lava suesuega faapea siaki masani a le soifua maloloina, ua sau ai foi le faatonuga ia i latou ua mautinoa e maualuga le lamatia ona o cases ua faamaonia e tatau ona faanofoesea i le fale mo le fitu aso.
