Tapunia le ofisa tutotonu o aoga i Ueligitone ona ua lē saogalemu

Ua tapunia le ofisa tutotonu a le matagaluega o aoga ona ua lē saogalemu le fale tele o loo iai i Ueligitone. 

O le lē faamalieina o aiaiga e mautinoa ai le saogalemu o le fale tele a le matagaluega na faia ai ma lea faaiuga ananafi, ma e tusa ma le tasi afe le aufaigaluega ua faatonuina nei e galulue mai le fale. 

Mai su’esu’ega na faia e na o le 25% o taiala fou mo fale na faamalieina, faatusa lea i le 90 i le 100% na iai talu ai. 

O se suiga tele ua sau ai ina ua mae’a suia ma tuuina mai taiala fou mo fale. 

Ma ua tuu mai ai le aso faasolo atu i le Aso Gafua o le vaiaso fou e tapena ese ai le aufaigaluega mo galuega faia mai i fale, ma o le masina o Setema o loo fuafua e tatau ona oo atu iai ua toe foi ane i totonu e faalagolago lava foi i tapenaga mamao ua amata talanoaina. 

E ui i fesuiaiga ua iai nei, ae lē o aafia ai isi ofisa a le matagaluega i le tele o vaega o Niu Sila. 

Scroll to Top

Keep uptodate with Radio Samoa activity & promotion

* indicates required