Na tapunia faafuasei le mall faatau autu i New Lynn i Aukilani ananafi ona e faapea o se alii na alu atu ma se agaese.
Poo le itula e 4 i le afiafi lea na oo atu ai leoleo, ma i molimau o lea sa faaaupegaina sui o le ofisa.
E lei faigata ona saisai mai e leoleo lea alii, ma e faafetaia e leai se isi na afaina pe faamanualia ai e pei ona faamaonia mai e leoleo.
Ae mo tagata sa iai i totonu o le mall e latalata i le ‘afa itula lea na poloka ai i totonu o le mall a o tapunia ai i lea taimi.
Na leo ai e leoleo lea vaega o Aukilani seia oo mai anapo, ma o le mall foi lenei lea na osofai e le tagata faatupu faalavelave ia Ahamed Mohamed le Countdown i le tausaga talu ai.
