Ua faailoa lautele nei e le pulega o tagata tafafao le faia o se tapu ua matuā faasā ai ona toe faaulufale ni fagupa’u ma ipu uga i le nofoaga o loo faia ai faaaliga o tu ma aganuu mo tulisi tafafao i le eleele fou.

O se tala mai le pulega ua faia lea tapu ina ia saga faamalosia ai polokalame o le taofia o otaota lafoa’i aemaise lava fagupa’u ma soo se ipu uga.

Sa faia foi lenei tapu i le taimi o le Teuila ua mae’a ae sa iai lava nisi sa faasala ese ai, ma o lea ua toe faaauau.

Ua iai nofoaga ua saunia i le eleele fou i le vaega lava o loo iai falesamoa e maua ai le suavai mamā.