O se faamoemoe tāua ua tapena iai le Matagaluega o Aoga Taaloga ma Aganuu o le faatāua lea o le gagana Samoa e pei ona iai le uluai vaiaso o le masina fou o Setema o le a faatino ai se polokalame e autu i le tāua o le gagana Samoa.
Ua amata faatino e le matagaluega faalauiloa a o lumanai lea fuafuaga tāua, lea o le a faagasolo i Upolu mai le aso 4 i le aso 5 o Setema ma e faia i le nofoaga o le malae o aganuu i Malifa, ae o le aso 6 i le aso 8 o Setema i Savaii e faia i le maota o le Apita o Pisaga i Salelologa.
O le vaiaso tonu o le gagana Samoa i lo tatou atunuu o le a faagasolo ai foi ma polokalame o le Teuila o lenei tausaga 2023.
