O le tautua a taavale laiti la’upasese i le atunuu o se isi lea o tapenaga a le pulega o tagata tafafao o loo faatino a o lei usuia ia Oketopa le fono a Ulu o Malo o le Taupulega.
O vaiaso e lua mulimuli o le masina lenei o Aokuso ua amatalia, o le a faagasolo ai ni a’oa’oga i Upolu ma Savaii mo ave taavale taxi uma.
O se a’oa’oga o loo taula’i i le tapenaina ia lelei le auaunaga a ave taxi i le tulaga lautele le customer service aemaise malo mai fafo o le a malaga mai i le taimi o lea fonotaga tele.
O le aso 13 e oo i le aso 28 o Aokuso e faagasolo ai lea a’oa’oga i nofoaga e pei o faletalimalo ma potu fono o nisi o auaunaga a le Malo.
