E lua isi faletalimalo latalata I le malaevaalele I Aukilani ua tapena e faaaoga mo nofoaga faanofoesea
Ao faatetele le pipisi o le Delta I Niu Sila aemaise lava I totonu o Aukilani, o lea ua tele ina faaaoga uma potu o le faletalimalo a le Jet Park o loo o iai
I saunoaga a le minisita o le Koviti, Chris Hipkins, poo le isi 48 itula ua lava tapena le faletalimalo e tasi o loo manao le malo e faaaoga, ao le isi tasi o loo faaleoleo
O lea o loo taofia I le taimi nei avanoa e taofi ai potu faanofoesea o I latou o loo saili mai ni avanoa mai fafo, ma o nei tapenaga ma fesuiaiga o loo ave le faamuamua I tagata ua maea faatau vouchers ao lea e le o iai ni avanoa e omai faanofoesea ai
Saunoa foi Hipkins, afai ae alualu faatetele le Delta I vaiaso o I luma I totonu o le atunuu o le a vaavaai I le ono faanofoesea I le fale o cases faamaonia ae le o faletalimalo o loo faaaogaina nei
O le a faalagolago uma nei tapenaga I le saogalemu
