Toatele avetaavale Ueligitone faasuaava taofia ma o lea ua faasalaina e leoleo.
I poloka a leoleo na faia i Ueligitone i le taeao ananafi na maua ai foi ma nisi e faapea ua tea le onā mai malologa o le po, peitai na faateia ina ua siaki e leoleo le mānava ma maua ai.
Ua sau ai ma le lapataiga mai leoleo o le a faaopoopo ma faaauau pea ona faia poloka a leoleo i Ueligitone, e le gata i le ao ae faapea le po.
Ua sau ai ma le feau afai ae taofia lou sa i soo se taimi o le aso, ia e iloa o le a siaki lau mānava e suesue ai pe e te le o faasuāava.
I poloka o ananafi e tusa ma le 150 i latou na tuu atu iai pepa o faasalaga ona o le avetaavale ao loo faasuāava.
