O loo tapenapena le auaunaga tau tulisi mo aafiaga o le El Nino i le vaitau pisi o le taumafanafana.

O le El Nino o le a mātele ina mago ai le itu i Sasae ae mātele ina timu le itu i Sisifo ma o le a malolosi atu foi matagi nai lo matagi e masani ai. 

Saunoa le Ofisa Sili o le Tourism Aotearoa o Rebecca Ingram e tāua tele i pisinisi ona sauniuni mo ituaiga tau faapea. 

O le matafaioi lea o loo feagai nei ma lea ofisa o le logologo pea ma faasoa faamatalaga i tagata aemaise o fautuaga i ona sui auai ina ia tapenapena iai.

Fai mai o se tasi lenei o auaunaga e aupito tele atu ana tupe e maua i le taimi o le taumafanafana ma e manatu le Ofisa Sili o le auga lea o taumafaiga i lenei tausaga ina ia sauniuini ma tapena i ni aafiaga e ono iai pe a oo mai suiga ia o le tau ma ona aafiaga.

O loo tulaga lelei bookings a tulisi mai Amerika ma Ausetalia ma ua sana faamalosiau ai le ofisa ma le auaunaga ina ia mataala iai tagata uma.