Ua matala ia Sega se finagalo o le sui faipule o le itumalo palota o Faleata Numera 4 e talanoa mai ma faailoa sona finagalo e faalautele ai se vaega o lana saunoaga i le maota fono i le tala o le Tupe, lea sa ia fautuaina ai le faigamalo e aveese le teuteuga o le tulafono o faigapalota ua lē mafai ai ona tutoatasi se faipule pe a faamavae ma alu ese ma se pati faaupufai. Sa fesiligia le sui faipule le tofa Ale Vena Ale, pe iai se mafuaaga o lona afea o lea vaega o le tulafono o faigapalota, ae pe ua iai foi sona finagalo e faamavae mai le toe avea ma sui faipule o le vaega faaupufai e puipuia aiātatau a tagata. O se vaega lenei o lea faatalanoaga i fesootaiga faaonapo nei.
Tipi: “Lau tofa i le Igoamatua, o lea ua manino i lau finagalo i lau saunoaga faalauaitele i le tala o le tupe, lou naunau ia sui teuteuga nei o le tulafono. Ma e lē na o oe foi le sui faipule o lea ou te iloa o lea e ilitata lagona i teuteuga ia. Ae o lea e maitau atu, o lea ua e naunau lava e sili ai loa lou faasolomuli ese ma le pati faaupufai, ae ia e avea ma faipule tutoatasi.”
Ale: “Faafetai Autagaavaia. O le mataupu e pei ona ou lagā i le fonotaga a le Palemene i le aso ananafi, ona o le tulafono lea. Ia te au lava ia, a faapea ua e fia manao e te alu ese ma lau vaega faaupufai e te alu i le isi vaega faaupufai, pe te alu foi e faatu se isi pati fou, o lona uiga la e tatau ona e alu e toe fai lau palota. A o lo’u manatu lea iai, e leai se mea e te alu ai fua e toe fai lau palota i lou itumalo o lea ua uma ona filifilia mai oe, pe a faapea ua e lē fiafia i lau vaega faaupufai e iai a ni mataupu…E tatau lona ona e alu e te tutoatasi, as an independent member other than going back to your constituency. Pei o lo’u na ia manatu. I lalo o le Vaega 15 o le faavae o le tatou malo Samoa, ia aveesea ai i le right o le faipule e tatau ai ona faaalia ona lagona saoloto i se mea e finagalo ai, other than i faiga faapati. I lo’u ia la manatu, e leai se mea o le a ou alu ai fua e toe fai la’u palota se’i vagana pe ou mana’o ou te alu i o i le FAST po te alu e faatu se isi paki fou, tai pei o le mea lea na o ai le vaega lea o Lealailepule, o Palusalue ma Vaai, ia pei foi o le mea lea na fai nei e Laauli. A o a’u I want to leave the party and become an independent member until the next general election pe faapea ou te aulia atu. Pei o le agaga la lena ia te au. Ma le isi mea, ua ou lē fiafia lava i le matou vaega faaupufai.”
Tip: “O le ā sou lagona pe a fai nei se faaiuga a le faafaletui e faamālōlō loa lou toe avea ma sui o le HRPP?”
Ale: “Well, you know ua leva a ona tatau ona faamālōlō a’u i a’u lauga lea na fai nei ananafi pe a faapea e iai se finagalo e faamālōlō a’u. Ia faafefea ona faamālōlō mai o la ei tua,..a’e e leai se mea faapena e tatau ona tupu. Ae afai foi ae iai sona finagalo e faamālōlō a’u, lona uiga I have to go to court. Se’i vaganā I will resign from the party. Pei o le tulaga lena o lea na ou manatu e tatau ona ou iai. … O lea la e tau vaavaai atu i ai la’u loia ma a’u nei, pe mafai ona toe silasila i ai i le tulafono lea, ae poo le ā foi se avanoa ou te faasee ai e tuto’atasi. Ae afai a e lē mafai… O le agaga moni Galumalemana, e leai se uiga ou te alu ai e toe fai la’u palota ae ou sau ou te independent.”
Tipi: “O lea ua e ta’ua lau loia. O iai se fuafuaga a lau loia e tapena e ave i le faamasinoga?”
Ale: “O le mea tonu lena o lea iai. I will take the matter to court. And if the court decide leai o le mea a lea, afai e te manao e te fia independent ou te alu e fai la’u palota, ia ona ou mafaufau lea iai.”
Ua faailoa foi e le sui faipule o Faleata numera 4, o le isi mafuaaga o le fia tuua o le latou pati ae avea o se tutoatasi, o le lē suia o le ta’ita’i ae i lona lagona ua tatau ona lafo i le faafaletui o faipule e toe filifili se isi taitai fou.
