Talu ona aafia tulaga tau tupe o le atina’e o tagata tafafao i Samoa ona o aafiaga o le faama’i Koviti-19, na amata tapena ai e le pulega o tagata tafafao mai i Samoa le faia o se taiala e faaleleia ma siitia ai auauaga mo pasese poo tulisi o loo afea le atunuu i malaga a meli la’upasese. O le taimi muamua lea ua faia ai se taiala mo lea vaega tāua o le atina’e ma le vaai mamao o le a faateleina meli e afea Samoa.
Talu ona toe tatala tuaoi o Samoa i le masina o Aokuso ua tolu meli la’upasese ua afea le atunuu, i le masina o Oketopa ma o le masina fou o Tesema le malaga a se isi meli la’upasese o le a afea ai foi le uafu tele i Apia.
A o iai pea a tatou tala i le atina’e o tulisi, e leai se faaseā a ni tagata tafafao sa tulai mai se la feteenaiga ma se tasi o tamalii e ana se faletalimalo tumatafaga i Lalomanu, e faailoa i le pulega o tagata tafafao lea tulaga na aliali mai.
Faaalia e le tamaitai Ofisa Sili o le pulega le faletua o Pativaine Petaia Tevita, o lea tulaga na aliali mai ua silasila ai nei i se isi gaioiga e pei o le vaavaai lea poo ai tonu ituaiga o tulisi e tatau ona malaga mai i Samoa.
Le tamaitai Ofisa Sili o le Pulega o tagata tafafao mai fafo, Pativaine Petaia Tevita.
