Ua tuai na maua faaiuga poo grades mulimuli a fanau aoga o loo aotauina i le Iunivesite a Aukilani e mafua mai i tetee ma feutana’iga o totogi o loo faagasolo.
O lea ua faailoa mai e le Tertiary Education Union, le sā e tasi le vaiaso ua le mafai ai ona faailoa faaiuga o taumafaiga a fanau, ma e le o fiafia ai le iunivesite.
O le Aso Faraile nei e faapea e faatoa uma ai lea sā ma mai le iuni o se faiga ua faia ia lagolago ai la latou finau ma le faamoemoega ia foi mai le iunivesite ma se isi ofo e sili atu.
E 7.2% le siitaga o totogi o loo finauina e le iuni, peitai e na o le 4% poo le 5% foi lea o loo ofoina mai e le iunivesite.
O le masina o Iulai na amata mai ai feutana’iga nei a le iuni ma le iunivesite.
Mai le New Zealand University Students Association o loo iai lona popolega i le taofiofi o grades o taumafaiga a fanau, peitai e foliga mai ua leai lava se isi mea e tua iai le iuni.
