E toalua ni alii ua taofia nei ina ua maua i se osofaiga a leoleo ma maua ai ni sikaleki mariuana e 40 ma se pepa foil o loo iai fualaau faasaina o le aisa (meth).

Taua e leoleo o le osofaiga na tauala atu i ni ripoti mai i tagata lautele i se nofoaga o loo masalomia ai nei faiga faasolitulafono. O le isi alii na maua ina ua osofaia e leoleo le lotu o faamautu ai (apartment) ae o le tasi ma maua i totonu o lana taavale.

O le alii lea na sailia e leoleo lana taavale ma maua ai ma ni pulufana e lē faatulafonoina i Samoa i totonu o lana taavale. O se alii 34 tausaga le matua mai Tauese.

O le alii na maua i totonu o lona potu e 39 tausaga mai Falevao ma Saina. 

Taua e leoleo o loo faaauau pea le latou galuega o le saili o i latou o loo faia nei soligatulafono ma na o latou faafetaia le mamalu o le atunuu mo le fesoasoani i mataupu faapea pe a matuaina i soo se nofoaga.