Ua taofi e faiaoga o aoga tulagalua le latou solo tetee na fuafua mo le Aso Lulu nei, a o faatali se isi ofo mai le malo.
I se imeli na lafoina atu i faiaoga o loo ta’ua ai o lea ua malie le Minisita o Tupe, Grant Robertson e feiloai ma sui o le iuni a taeao e talanoa se isi maliega.
O le mae’a ai o le fono a taeao o le a maua ai loa se tala o tuutuuga o le maliega a o lei oo i le Aso Lulu e toe feiloai ai faiaoga.
Ae i se faamatalaga mai le iuni e ono iai lava aoga e ono tapunia i le aoauli o le Aso Lulu a o auai atu faiaoga i le fonotaga a le iuni.
Afai ae uma fonotaga ma feutanaiga a taeao e teena lava e faiaoga, o le a toe palota ai loa sui o le iuni ma iloa ai le tonu o le toe amata o tetee ae poo afea foi.
