O aiaiga o tulafono o laisene o vaalele e afea Samoa na mafua ai ona toe taofi malaga togipau tuusa’o mai i Samoa a se kamupani vaalele i Saina.
Ua faailoa e le Minisita o Galuega tetele o loo iai ma le vaaia o mataupu tau vaalele sivili le tofa Olo Fiti Afoa Vaai, na lape le silasila a le kamupani o le Travel Focus i Hong Kong i aiaiga o le laisene na faamatuu iai i le na o le lua malaga togipau i totonu o le 28 aso.
Faaalia e le Minisita a vave ona tapena vaega uma ua manaomia mo le faia o malaga tuu taimi poo schedule flights mai Saina, o le vave foi lea ona toe faaauau o ia malaga tuusa’o mai i Samoa, e aumai ai tagata tafafao Asia.
Le Minisita o Galuega tetele ma vaalele sivili le tofa Olo Fiti Afoa Vaai, i sona finagalo i le polokalame o le Soalepule.
O Setema o loo fuafua e toe faatino ai malaga tuusa’o mai Saina.
