Tanumia i le pailate laupapa lē na maliu a o iai i galuega i Aukilani

O le tamā na maliu a o iai i le nofoaga sa faigaluega ai i Aukilani, e faapea na tanumia i le uta laupapa. 

Latalata i le itula e tasi i le aoauli na valaau ai leoleo i Grey St i Onehunga i le nofoaga na uma ai le soifua o lea tagata faigaluega. 

Lipotia e le Stuff o le nofoaga na tupu ai o se tasi o poloka o loo fau ai fale. 

E le’i finagalo se tasi o tuaoi na molimau i ia lipoti e faailoa, ae na ia ta’ua o lē ua maliu o le aveloli sa ia faatonutonuina le fela’ua’iga o le pailate laupapa 500 kilokalama ma faafuase’ia ai ona toe pa’ū ane ia te ia lava. 

E ui na vave atu iai sui o le soifua mālōlōina mo galuega lavea’i, peitai e le’i manuia mulimuli ai uma lona soifua. 

O le nofoaga o loo faia ai galuega a lea konekarate e faapea o loo pulea e le Carters ae o le aveloli o loo faafaigaluega le Herman Brothers Transport. 

Ua vaavaai nei foi le WorkSafe i lenei faalavelave. 

Scroll to Top

Keep uptodate with Radio Samoa activity & promotion

* indicates required