Ua tauaao nei e le MedSafe le talosaga a le Pfizer faatatau i lana vailaau fou.
O le vailaau lenei ua ta’ua o le bivalent vaccine ma na faia faapitoa e puipuia mai ai mai le uluai vairusi o le Koviti atoa ai ma le Omicron.
E ese mai le faatalosaga o le ioega a Niu Sila mo le vailaau fou na faaoo mai ananafi, o lea foi na faaoo muamua mai le isi talosaga a le Pfizer i le masina talu ai e talia ai i lalo o aiaiga le isi ana bivalent vaccine na sau muamua lea e aogā i le Omicron BA.1.
I le fesili ai la poo afea e oo mai ai i Niu Sila, o loo tālia uma nei i suesuega ma faamaoniga a le MedSafe.
Ta’ua mai e le sui o le matagaluega a le soifua maloloina, o loo faatali nei isi faamaumauga faaopoopo ua faatalosagaina i le Pfizer ma o le vave lava poo le faaiuga o le tausaga.
