Ua toe tolo atu ile aso Gafua o le vaiaso fou le lauina o se faasalaga o Edward Ulberg 34 tausaga o lona matua, lea ua ioe ile moliaga o le fasioti tagata pa’ivalea ona o le maliu o lona to’alua ise gaioiga na ia faia sa ia umia ai se agaese.
O le aso Lulu sa faatulaga e aumai ai se faasalaga peitai o le tuai tuuina atu o le folasaga faaiu a le loia o loo tulai mo Edward, faapea le tuai oo o le lipoti a le ofisa faanofo vaavaaia, o le mafuaaga lea o le taatia ile amataga o le vaiaso asau e lau ai se togisala a le faamasinoga. O loo finau loia a leoleo mo se faasalaga 18 tausaga ile falepuipui.
O Tesema o le tausaga 2021 na tulai mai ai le faalavelave na maliu ai le toalua o le ua molia ae o loo ma’itaga.
