Ua talosaga leoleo i tagata e fiafia e agai i le sami mo taelega ina ia faaeteete i le agai atu i aso malolo o le Eseta ona ua maualuga tele le aofai o soifua ua ma’umau mai i faalavelave e tutupu i le sami ma vaitafe.
E lata i le 100 tagata ua malelemo talu ai nei ma le toatele na faavave atu i falemai mo togafitga ona o ituaiga faalavelave faapea.
O suesuega sa faatino ua iloa ai e 123 tagata na malelemo i le taimi o le Eseta i le 20 tausaga ua tuanai ma ua toe fafagu ai ma se faamanatu i le agai au i le faaiuga o le vaiaso.
Faamanatu foi e le vaega a le Surf Lifesaving e tatau ona laei se ofu faaola pe afai e faaaogā se vaa pe fagota foi pe aloalo, e ono laveai i le soifua.
