Ua faatupulaia le fuainumera o tagata e osofaia e taifau, ma ua talosaga mai ai le Auckland Council se’i toe tagai ane i taifau.
O le lipoti na sau i tua ananafi a le Council o loo ta’ua ai le alu i luga i le 2,437, tusa lea ua faaopoopo le 28% i le va o le 2022 ma le 2023 osofaiga e faia e taifau.
I nei faamaumauga na faaopoopo le 250 osofaiga e aafia ai tagata, ae faaopoopo le 280 e toe osofaia ai e taifau isi meaola.
E le gata o le manatu alofa o le Council i tagata ma meaola e aafia mai osofaiga nei, ae faapea le avega o loo amo e le aufaigaluega a le Council i taimi e lipotia ai osofaiga faapenei.
E faa 33,301 ona valaau le aufaigaluega mo se fesoasoani i totonu lava o le piriota lenei.
Ua valaau mai ai ma le Council a Aukilani i aiga e iai taifau, se’i toe tagai ane i le saogalemu o le komiuniti aemaise o le galulue faatasi ma le Council.
