E ono ave le faamuamua I fanau aoga o loo I aooga I vasega sinia I totonu o Aukilani pe a toe tatala le avanoa e foi ai I aoga
O le vaiaso lenei ua toe ae ai le kuata faaiu o aoga o lenei tausaga, peitai e le mautinoa I le taimi nei se tonu mo fanau Aukilani faapea se vaega o Waikato o loo lapataiga vaega tolu pea
Saunoaga a le minisita o aoga, Chris Hipkins ananafi na ia taua ai e le galo I le malo le tele o le avega o loo feagai ma fanau aoga sinia e le gata o suega faaiu I le masina fou, ae faapea le tele o assessments
Taua ai e Hipkins o fanau nei o loo I lalo o le kulupu o loo faamuamua ma o loo tagai iai le malo I se faiga e mafai ai ona toe vave foi I potu aoga
I le saosaoa o le Delta o loo iai nei aemaise lava I Aukilani, e le o iai se fuafuaga a le malo e fua lana faaiuga I le toe tatala o aoga agai le pasene o tagata ua uma tui I pitonuu taitasi o Aukilani
E oo lava foi I le talosaga e tatau ona faia air filters e faamama ai le ea I totonu o potu aoga, ua faailoa e Hipkins e le mafai ona tupu lea mo lenei taimi pe a fua I le silia ma le 35,000 potu aoga I totonu o Niu Sila o lona uiga o le isi faitau miliona e faatupe ai
E oo lava foi I le faaiuga na sau I le vaiaso talu ai e faatulafonoina ai le tatau ona oo atu I le aso 15 o Novema ua uma tui muamua o soo se tasi o le a gafa ma fanau aoga, ae aso muamua o Ianuari 2022 tatau na uma ai le tui lona lua, e oo mai lava ananafi e le I sainia lea poloaiga e aloaia faaletulafono ai
O nei fesuiaiga, aemaise o le lamatia o Aukilani I le Delta o loo silasila uma iai le malo ma o le aso o le a sau ai le faaiuga a le malo e tusa ma le toe tatala o aoga a Aukilani
