O loo talia ma le faafetai le fesoasoani o le a na o le ‘afa ai pasese totogi o fanau aoga o loo i iunivesite, peitai e lē o lava.
O le paketi a le malo o lenei tausaga o loo sau ai le feoai fua o fanau i lalo o le 13 tausaga e amata mai ia Iulai o le tausaga nei, ae na o le ‘afa le tau e totogi e le 13 agai i luga i le 25 tausaga.
O se fesoasoani o le a penefiti ai le silia ma le 1.6 miliona tagata Niu Sila, peitai mai le asosi o fanau aoga a le Iunivesite o Otago i tala a le 1News, e le uma ai le finau ia feoai fua fanau o loo aotauina i iunivesite e faaaogaina femalagaiga lautele.
E faapea foi le manatu o sui o isi iunivesite, ia feoai fua fanau aoga iunivesite e aunoa ma se pasese e totogia.
I faamaumauga talu mai lava ona pa’ū pasese e totogi mo femalagaa’iga lautele mai le tausaga talu ai, ua maitauina le toatele o tagata aemaise lava i tupulaga talavou o loo aotauina i iunivesite e faaaogaina auaunaga a pasi.
