O se taimi o le asō, Aso Gafua lea ua faamauina o le a tuuina mai ai e le malo o tulaga o loo iai le sapalai o le suāu’u o le tiso, faapea le penisini. O se tala lata mai le taimi sa iai le atunuu i faigamalologa umi o le Eseta.
I ripoti a le NZ Herald, o loo faamauina o le a tuuina mai ai e le Matagaluega o Pisinisi, le The Ministry of Business, Innovation and Employment faamaumauga i se tulaga ua oo iai le sapalai o le suāu’u a le atunuu.
I faamaumauga talu ai o le Aso Sa, 5 o Aperila, na faamauina ai e toe 28.3 aso o le pesinisi o totoe i le atunuu, 23.7 aso o le tiso ma le 27.9 pesnisini mo vaalele
Faaalia pe a ma le 62.6 le aofaiga o aso o le penisini o loo i luga o le vaa i le taimi nei ma o loo agai mai mo Niu Sila, 51.7 aso o tiso ma le oo atu i le 53.5 le aofaiga o aso mo penisini o vaalele.
Ma e tusa ai ma nei faamaumauga o loo faailo e le malo, o loo i se tulaga mautū le atunuu i le taimi nei pea taga’i i tulaga o iai le suāu’u ma le penisini.
Faamanino e le alii palemia, Christopher Luxon o loo mauluga le faatuatuga ma le mautinoa o pisinisi o loo aumaia suāu’u i le maua pea o le sapalai i le agai atu i le lumana’i.
Ae mai atunuu mamao, e pei ona mafua ai lenei faafitauli o suāu’u, o le vaiaso talu ai na faalauiloa ai le taofia o le taua i le va o Amerika ma Iran, ae ta’ua na faatino se feiloaiga ma se talanoaga mo se tasi i le mataupu peita’i e lei taunuu i se vaega e ‘autasi iai. Māua o lenei feiloaiga sa faatino ae faufautua iai le malo o Pakistan.
O le taeao o le Aso Gafua na faatonuina ai e le peresitene o Amerika Donald Trump le vaega’au poo le US Navy e poloka le ala e agai atu ai vaa o fefaataua’iga i le Strait of Hormuz.
Mo le silafia o le strait lenei o loo agai atu le 20% o suāu’u e agai atu i le tele o itu o le lalolagi e aofia ai ma vaega o loo tautuaina Niu Sila.
Puna o Faamatalaga: https://www.nzherald.co.nz/nz/politics/fuel-stock-update-government-to-reveal-latest-figures-for-petrol-diesel-jet-fuel/RMDIHXD6FRHMLC5PHXWLHJSY6U/
