Tālia e le atunuu le tui lona tolu o le koviti19 

O loo talitali nei le atunuu i le taimi e tatala ai le auaunaga a le Soifua Maloloina e maua ai le tui puipui faaopoopo o le faama’i Koviti19 (booster) mo i latou ua maea tui e lua. 

O loo faatalitali foi le atunuu poo le a se taimi o le a faatino ai ni suega poo ni tests mo tagata lautele e iloa ai poo tumau pea ona malu puipuia mai le ono aafia i le siama o le faama’i.

O le finagalo faalauaitele mai le taitai o le Mālō le afioga Fiame Naomi Mataafa i le feiloaiga ma Tusitala i le faaiuga o le vaiaso na tea nei na ia faailoa ai o se taimi ua talafeagai ai ona faatino lea o le tui faaopopo le booster. Ua ia faailoa foi o loo tālia nei se fesoasoani a le Mālō o Saina e aumai ai vaega faafomai e faia ai suega o tagata taitasi ona faatino loa lea o suesuega o tagata lautele. 

O le tali a le Minisita o Faatoaga ma Faigafaiva le Faalapotopotoga o le Esetete Tausi ma le nofoaga o suesuega faasaienisi i le tala faaopoopo o le tupe ma faaalia e le susuga Laauli Leuatea Polataivao Schmidt ua ave nei le fautuaga i le Pulega mo le nofoaga o suesuega faasaienisi e silasila i se faiga e mafai ai ona faatino e le nofoaga suesuega atili o le faama’i Koviti19 ina ia faasaoina ai le taimi mai le tauave atu i Niu Sila mo le faia o sailiiliga atili mo se faamaoniga o se tagata ua aafia.

Scroll to Top

Keep uptodate with Radio Samoa activity & promotion

* indicates required