O se tala fiafia i lenei aso le faailoa mai o lea ua talia e faiaoga o aoga tulagalua le ofa a le malo mo o latou totogi.
O le ofa lata mai a le matagaluega o aoga e pei ona faailoa mai e le sui o le iuni i le taeao analeila, o le ofa lona fā lenei ma o lea ua mae’a palota faiaoga o aoga tulagalua ma ua o latou taliaina.
O loo sau ai i le ofa le siitaga e 6% o totogi amata mai i le masina fou, e tālia ai isi siitaga e lua mulimuli mai, o le peimeni e $3,000 e totogi atoa mai i le masina fou, e ese ai le isi $1,500 faaopoopo mo sui uma o loo i lalo o le iuni.
E le na o totogi o lea foi ua iai teuteuga i classroom release times faapea ai ma mileage allowance ua alu i luga.
