Ua tali le Hai Komesina o Niu Sila i Samoa ma lona ofisa i mafatiaga o aiga limavaivai, ma maualalo le tamaoaiga, faapea i latou e iai mana’oga tumau o le tino.
E silia i le 250 fanau i aiga e 30 ua latou taulimaina ni fesoasoani mai lea agalelei o le Hai Komesina o Niu Sila o Dr Trevor Matheson, i afifi o taumafa ma isi vaega e mana’omia i totonu o le aiga e pei o fasimoli e faamālū ai, sa tufatufa e le faalapotopotoga o le Toomaga mo ē Puapuagatia o loo ave iai le fesoasoani latou te lufilufi ma faasoa.
O le vasega foi o tina ma tamaitai o loo aafia i sauaga o loo lavea i le fesoasoani. O le vaiaso na te’a nei na faasafua atu ai ia fesoasoani ma faaauau ai i le vaiaso nei. O se tasi o autu o le foa’i a le Hai Komesina o Niu Sila i Samoa e mo aiga sa aafia ma ua aafia o latou tagata aemaise fanau i le faama’i koviti.
