Ua talanoa le minisita o le va i fafo a Niu Sila, Winston Peters ma le failautusi o le malo o Amerika, Anthony Blinken e faatatau i mataupu eseese e aofia ai ma vesiga o loo tulai mai i atunuu i fafo.
I se faamatalaga na faia e Peters i luga o se tasi o upega tafailagi ua ia faailoa ai mataupu sa faatalanoaina ma le tāua o le faiga faapaaga a Niu Sila ma Amerika ma le faamalosia o le galulue faatasi e tali atu i nisi o luitau faavaomalo aemaise le vevesi i Ukraine faapea foi ma Gaza.
I le masina o Tesema na mavae atu nei na faailoa ai e le Palemia, Christopher Luxon o loo silasila le malo i le vaega lua o le maliega a le AUKUS, se faiga faapaaga tau le puipuiga i le Indo Pacific i le va o Ausetalia, UK ma Amerika.
Ua ta’ua i le lipoti i se taimi e lelei mamao atu na ioeina ai e le Fale Paepae se vaegatupe o fesoasaoni tau militeli e 250 miliona tupe Amerika e tusa lea ma le 401 miliona Niu Sila.
Na ioeina ai foi ia Novema ma le toeitiiti 14.5 piliona Amerika mo Isaraelu i le tali atu i le taua ma le Hamas.
