O loo faasolo pea galuega fesoasoani i tagata aafia o Gisborne, Napier ma Hawkes Bay, Coromandel faapea ma Northland.
O Hawkes Bay lava ia na o ia e tusa ma le 9,000 tagata e le o toe nonofo i o latou fale.
Faitau sefulu afe aiga North Island e oo mai i le taeao nei o loo motusia pea le eletise.
Ae i tagata o loo fiu e faafesootai e le o maua, e oo mai i le aoauli ananafi ua silia ma le 3,500 i latou e tusa ma tala mai leoleo.
E talitonu le ofisa e iai nisi o lea lisi ua lipoti faalua, ma ua talosaga mai ai i aiga o i latou o loo sue e lava le lipoti e tasi e faaulu atu ma afai foi ae toe maua le tagata o lou aiga o loo sue, faamolemole toe logo atu.
O loo faaauau pea sailiiliga a le ofisa o leoleo, ma o loo tatala pea foi le 105 e lesitala atu ai tagata e le o mafai ona maua se fesootaiga.
