A o lē faigofie ai le aafia o faigamalaga a pasi e mafua mai le leai o ni avepasi, o le vaiaso nei ua faaopoopo ai isi faigamalaga mo Ueligitone.
O le masina lenei o loo tuuitiitia ai le fuainumera o malaga a pasi i Ueligitone, ma o lea ua tele ina molimau tagata faigaluega e faamoemoe i auaunaga a pasi i le tele ina tuai i galuega poo le fiu foi e tatali e leai se pasi.
O suiga faaopopo lea i luga o le isi 180 faigamalaga na taofia le tumau mai le masina o Oketopa i le tausaga talu ai.
Ae mai le Metlink o le vaiaso lenei o le a faaopoopo ai isi faigamalaga mo Ueligitone a o lei toe foi i le faatulagana masani o taimi o pasi i le faaiuga o le vaiaso nei.
E ese mai ia Ueligitone, o Aukilani, Tauranga, Kalaiesetete ma Otago foi lea o loo tau sue ni avepasi.
I le taimi nei pe ā ma le 800 avepasi o loo moomia i totonu o Niu Sila.
